Gideklarar sa Regional Oversight Committee on Barangay Drug Clearing (ROCBDC) nga drug-cleared ang 11 ka barangay gikan sa South Ubian ug Turtle Island sa Tawi-Tawi.
Gipahigayon ang deliberasyon niadtong Agosto 20, 2026, ubos sa pagpangulo ni Regional Director Edgar T. Jubay, gamit ang hybrid setup nga naglangkob sa face-to-face ug Zoom conference. Samtang, gipadayon usab ang drug-cleared status sa tulo ka barangay gikan sa Cotabato City ug Parang, Maguindanao del Norte.
Base sa resolusyon sa komite, gilantaw usab ang kahimtang sa 479 ka barangay nga adunay Certified No Active Drug Personalities (CNADP), 155 ka CNADP drug-free barangay, ug lima ka barangay nga adunay Certified Inventory Drug Personalities (CIDP).
Gigiyahan ang deliberasyon sa mga sumbanan nga gilatid ubos sa Dangerous Drugs Board Regulation No. 4, Series of 2021, alang sa hustong validation, deklarasyon ug pagpadayon sa drug-cleared status sa mga barangay.
Mitambong usab sa maong kalihukan ang mga representante gikan sa MILG, PNP BAR, Ministry of Health ug Provincial Local Government Units. Gipasiugda sa komite nga ang pagkahimong drug-cleared sa usa ka barangay dili lamang usa ka deklarasyon, kondili nagkinahanglan og padayon nga monitoring, hustong dokumentasyon, aktibong partisipasyon sa komunidad ug lig-on nga koordinasyon tali sa nagkalain-laing ahensya aron mapadayon ang kalinaw ug seguridad batok sa ilegal nga droga.
Source: StarFM Cotabato