Nasakmit sa mga awtoridad ang mga puslit nga yosi nga gituohang nagkantidad og gibanabanang ₱855,680 atol sa usa ka checkpoint operation subay sa National Highway sa Barangay Sinawal, General Santos City takna 2:10 sa hapon niadtong Agosto 20, 2026.
Giila ang drayber nga usa ka 51-anyos nga lalaki nga nailhan sa alyas nga “Al”—usa ka residente sa Bulaong Avenue, Barangay Labangal, General Santos City.
Sulod sa silver nga Suzuki Minivan/Toyota 8623 niini, gipahunong kini human gituohang nakahimo og pipila ka mga kalapasan sa trapiko, lakip na ang obstruction (pagbabag sa dalan), paggamit og windshield nga adunay baga nga tint, ug pagkapakyas sa pagsunod sa signal sa traffic officer. Ang sakyanan gikataho usab nga kalit nga mihimo og U-turn sa wala pa makaabot sa gitudlo nga checkpoint, hinungdan nga gigukod ug gipahunong sa mga operatiba ang drayber. Samtang gihimo ang gikinahanglang dokumentasyon ug teknikal nga imbentaryo sa nasakmit nga sakyanan, nadiskobrehan sa kapulisan ang 20 ka kahon sa sigarilyo nga brand nga “Berlin” nga gituohang gipasulod sa nasod pinaagi sa smuggling. Ang mga produkto gikataho nga walay gikinahanglan nga mga dokumento gikan sa customs ug mga dokumento sa transportasyon.
Reklamo batok sa suspek tungod sa paglapas sa Republic Act No. 10863 o ang Customs Modernization and Tariff Act.
“Sa bawat checkpoint, may layuning protektahan ang komunidad at ipatupad ang batas. Kapag may nakitang paglabag, hindi natin ito dapat palampasin. Ang pagbabantay sa kalsada ay bahagi ng ating tungkulin upang mapanatili ang kaayusan at mapigilan ang mga gawaing lumalabag sa batas.” matod pa ni PBGEN Alan B Manibog, Acting Regional Director sa Police Regional Office 12.