Gipahigayon sa Regional Mobile Force Battalion 11 ang Ceremonial Wearing of the Blue Beret alang sa 75 ka bag-ong graduates sa BISOC CL SINDAKILA sa RMFB 11 Headquarters, Camp Sgt. Quintin M. Merecido, Buhangin, Davao City, niadtong Agosto 19, 2026.
Gipangulohan ang maong seremonya ni PCOL JOSEPH A. FAJARDO, JR., Force Commander sa RMFB 11, uban sa mga opisyal, Company Commanders, ug mga personnel sa RMFB 11.
Usa sa mga importanteng bahin sa seremonya mao ang Panumpa sa Pagsul-ob sa Beret, nga gisundan sa pagbasa sa kasaysayan sa Blue Beret sa RMFB 11. Naghatag usab og mensahe si PCOL Fajardo, diin iyang gipangumusta ang mga bag-ong graduates ug gipahinumdoman sa responsibilidad, dedikasyon, ug paningkamot nga kauban sa pagsul-ob sa Blue Beret.
Ang Blue Beret nagsimbolo sa dungog, panaghiusa, disiplina, dedikasyon, ug kaisog.
Labaw pa sa usa ka bahin sa uniporme, nagrepresentar kini sa saad sa matag personnel sa RMFB 11 nga matinud-anong motuman sa ilang katungdanan, magpatuman sa balaod, magpabiling tigpanalipod sa kalinaw ug kahapsay, ug manalipod sa kinabuhi ug kabtangan sa mga katawhan.
Gitapos ang seremonya pinaagi sa Boodle Fight, nga nahimong higayon aron mas mapalig-on ang camaraderie, panaghiusa, ug maayong relasyon tali sa mga personnel sa RMFB 11.
Tumong sa maong kalihokan nga mapalalom sa mga bag-ong graduates ang kahinungdanon sa disiplina, responsibilidad, panaghiusa, dedikasyon, ug propesyonalismo sa pagserbisyo, ingon man ang ilang panindugan sa pag-alagad uban ang dungog, kaisog, ug tinuod nga pagtagad sa mga katawhan nga ilang giserbisyohan.