Gisugdan na ang Durian Festival Pre-Event Selling sa Rotary Park isip paunang kalihokan alang sa umaabot nga Durian Festival 2026 kaniadtong Agosto 18, 2026.
Nagkalain-laing klase sa durian ang gibaligya sa mga traders, lakip ang mga miyembro sa Tagum City Durian Growers Association, atol sa maong pre-event selling. Magpadayon ang kalihokan hangtod Agosto 31, 2026, aron mas daghang residente ug bisita ang makatilaw sa lokal nga durian sa Tagum.
Pinaagi niini, gisuportahan usab ang atong mga lokal nga mag-uuma ug negosyante sa paghatag og dugang nga oportunidad sa panginabuhian. Makatabang usab kini sa pagpasiugda sa durian isip usa sa mga produkto nga gipasigarbo sa Tagum ug sa pagpalig-on sa atong syudad isip usa ka tourism destination.
Samtang nagpaabot sa opisyal nga pagsugod sa Durian Festival karong Agosto 28, 2026, bisitaha na ang Rotary Park ug tilawi ang lamian nga durian gikan sa atong lokal nga durian farmers ug traders.