Narekober sa mga kapulisan ang 155 ka ream sa gituohang puslit nga yosi sa gihimo nga operasyon sa mga otoridad sa Public Market sa Zone 7, Poblacion, Tagoloan, Misamis Oriental takna 4:20 sa hapon niadtong Agosto 19, 2026.
Nasikop usab ang usa ka vendor nga giila sa alyas “Jojo,” 30 anyos, minyo, ug residente sa Misamis Oriental, nga giingong nalambigit sa ilegal nga pagbaligya sa mga smuggled cigarettes nga walay maipakita nga permit.
Narekober ang 96 ka ream sa Modern cigarettes ug 59 ka ream sa Cannon cigarettes, nga adunay kinatibuk-ang 155 ka ream ug gibanabana nga retail value nga ₱124,00000.
“Our ongoing crackdowns send a clear message: illegal smuggled cigarettes has no place in our communities. We are maximizing joint operations with local government units and regulatory partners to disrupt these networks and uphold the law,” sigon ni Police Brigadier General Christopher N Abrahano, Amahan sa Police Regional Office 10.