Patay ang duha ka tawo samtang usa ang nasamdan human giratrat sa pusil sa Sitio Panang, Barangay Salbu, Datu Saudi Ampatuan, Maguindanao del Sur adtong buntag sa Huwebes, Agosto 20, 2026.
Giila sa PRO BAR ang mga namatay nga sila Kamarudin Mangansakan Ebus, usa ka negosyante, ug Mohalidin Latip Esmael, parehong residente sa Cotabato City.
Nasamdan usab si Kenedie Abdul Adin, usa ka laborer ug residente usab sa Cotabato City.
Base sa inisyal nga report, pauli na unta ang mga biktima gikan sa Datu Unsay padulong sa Cotabato City dihang gipusil sa mga suspek nga sakay sa motorsiklo o riding-in-tandem.
Nagpadayon ang lalom nga imbestigasyon sa kapulisan aron mahibal-an ang identidad sa mga suspek ug motibo sa maong pagpamusil. Gitrabaho usab sa mga awtoridad ang mga ebidensya ug impormasyon nga makatabang sa pag-ila ug pagdakop sa mga responsable sa insidente.