Malampusong gipahigayon ang Panagtapok 2026: Inclusive Youth Camp niadtong Agosto 22-23, 2026 sa Botanical Park, isip kabahin sa Tagum City Youth Festival 2026.
Ang maong duha ka adlaw nga youth camp nagpalig-on sa partisipasyon sa mga kabatan-onan sa pagtukod og mas inklusibo nga komunidad, pinaagi sa mga learning sessions, collaborative activities, ug diskusyon bahin sa inclusive leadership ug identity formation.
Tumong ni Mayor Rey T. Uy pinaagi sa Tagum City Youth and Sports Development Office nga mapalambo ang potensyal sa mga youth leaders, isip pag-andam kanila nga manguna sa pagmugna og mga inobasyon, ug pagduso og polisiya nga makatabang sa pag-uswag sa mga barangay, organisayon o komunidad.
