Padayon nga gipasiugda sa kapulisan ang kaandam ug kaluwasan sa mga estudyante pinaagi sa paghatag og hustong kahibalo bahin sa angay nga pagtubag sa mga hulga sulod sa eskwelahan sa Sto. Niño National High School, Talaingod, Davao del Norte pinaagi sa Safety Awareness Lecture niadtong Agosto 24, 2026.
Ang aktibidad gipangulohan ni PMAJ JESSERY Y LAROA, Chief of Police, Talaingod Municipal Police Station. Ang maong kalihokan, gihisgutan ang mga angay nga lakang ug safety measures nga kinahanglan buhaton sa mga estudyante kung adunay mahitabo nga active shooting incident o uban pang susamang hulga.
Gipasiugda ang kamahinungdanon sa pagkahibalo ug pagka-alerto, pagpabiling kalmado, ug pagsunod sa gitakdang safety protocols.
Gipasabot usab sa mga estudyante ang pangunang konsepto sa “Run, Hide, Fight” isip giya sa pag-atubang sa usa ka aktibong hulga. Giawhagang mga estudyante nga dihadiha mosumbong sa ilang mga magtutudlo, school authorities, o kapulisan kung adunay mamatikdan nga kadudahang tawo o kalihokan.
Pinaagi sa padayong edukasyon, pagpangandam, ug koordinasyon tali sa PNP ug school community, tumong sa maong kalihokan nga mapalig-on ang kahibalo ug kahandam sa mga estudyante aron makatampo sa pagmugna og mas luwas ug seguradong learning environment. Tumong usab niini nga masiguro nga ang matag miyembro sa eskwelahan adunay igo nga kahibalo sa hustong pagtubag ug pagpanalipod sa kaugalingon ug sa uban kung adunay emergency o aktibong hulga.