Giturn-over ang duha ka sets sa solar lights sa Revitalized- Pulis Sa Barangay (R-PSB) Cluster 13 sa Purok 1, Barangay Malamba, Marilog District, Davao City niadtong Agosto 24, 2026.
Kini ubos sa pagpanguna ni PSMS Erwin A. Villota, ug kabahin sa Quick Impact Project o QIP alang sa Sitio Pegalongan, diin ang mga solar lights gilauman nga makatabang sa paghatag og suga ug dugang kaluwasan sa mga residente.
Gipahigayon usab sa team ang Pulong-Pulong uban sa mga kabataan sa Purok 2-B, diin gipahinumdoman sa paglikay sa pagdula sa suba ug uban pang delikadong lugar, ingon man sa pagsunod sa curfew.
Dugang pa, nagpahigayon ang mga personnel og random dialogues ug nanghatag og IEC materials kabahin sa RA 8353 o Anti-Rape Law.
Tumong sa maong mga kalihokan ang pagpalambo sa legal awareness, pagmintinar sa kaluwasan, ug pagpalig-on sa kooperasyon tali sa kapulisan ug komunidad alang sa kalinaw ug kahapsay.