Tingkagol ang usa ka amahan nga gi-ila pud nga Top 10 Most Wanted Person sa Northern Mindanao sa gilusad nga joint operation sa mga otoridad sa Damulog, Bukidnon takna 10:59 sa buntag niadtong Sabado, Setyembre 5, 2026.
Giila ang suspek nga si alyas “Rhen,” 40 anyos, usa ka mag-uuma, nga gidakop pinaagi sa Warrant of Arrest tungod sa kasong Qualified Rape of a Minor nga adunay girekomenda nga piyansa nga mokabat sa ₱200,000.00, ug Four Counts of Rape by Sexual Assault nga walay girekomenda nga piyansa.
Nasayran nga ang suspek mao mismo ang amahan sa 15-anyos nga biktima ug giingong nag-abuso kaniya sukad sa dihang unom pa lamang siya ka tuig. Sa ulahi, nahibaloan sa mga paryente sa biktima ang maong pang-abuso, nga misangpot sa pagpasaka og mga kaso batok sa suspek.
“A father is supposed to be a child’s first protector. When that trust is allegedly violated, we will not look the other way. We will pursue the case, protect the victim, and ensure that the accused faces the law,” sigun ni PBGEN NESTOR C BABAGAY JR., Amahan sa Police Regional Office 10.