BUTUAN CITY – Gi-andam na ang patong-patong nga kasong ipasaka batuk sa usa ka lalaking nakuhaan og armas ingon man ilegal nga druga sa gilusad nga anti-illegal drug operation kagahapon sa ala-1:38 sa hapon sa may Purok 6, Brgy. Amparo, ning siyudad sa Butuan.
Naila ang suspek nga si alyas Bong, 59-anyos, dunay kapuyo ug residente sa P-2A Brgy. Bonbon ning siyudad.
Gihimo ang buy-bust operation sa ginsakpan sa Butuan City Police Station-5 kondiin nakuha gikan sa iyang posisyon ang 4 ka sachets nga dunay sulod sa gitu-uhang shabu nga mitimbang og 3.59-gramos og mikantidad sa ₱24,412.00.
Lakip sa nakuha ang usa ka yunit sa kalibre .38 nga pistola nga napapas na ang serial number kauban ang duha ka buhing bala.
Ang naarestong suspek og nakuhang mga butang gikustudiya na sa Butuan City Police Station-5 alang sa tukmang disposasyon.
Source: Bombo Radyo Butuan