Gipakusgan sa mga police unit sa nagkalain-laing dapit sa Region 12 ang mga security measures sulod ug palibot sa mga eskwelahan pinaagi sa mobile patrol, police visibility, regular inspection, ug Pito patrol sayo sa buntag niadtong Martes, Setyembre 22, 2026.
Tumong sa maong mga kalihokan ang pagsusi sa kahimtang sa seguridad, paghatag og klaro nga presensya sa kapulisan, pagpugong sa posibleng hulga, ug pagmintinar sa kalinaw ug kahapsay samtang mosulod sa eskwelahan ang mga estudyante ug magtutudlo.
Padayon usab nga gipatuman ang susamang security activities sa mga police unit, BPATS, ug Barangay Tanods sa tibuok Region 12, ilabina sa mga lugar nga duol sa mga eskwelahan.
Kabahin kini sa padayon nga paningkamot sa PRO 12 nga mapalig-on ang seguridad sa mga eskwelahan ug masiguro ang luwas ug malinawon nga palibot alang sa mga estudyante, magtutudlo, ug tibuok school community.
“Patuloy nating palalakasin ang police visibility at inspection sa ating mga paaralan. Layunin natin na maging ligtas ang bawat estudyante at guro habang pumapasok at nasa loob ng school premises. Ang presensya ng pulis ay bahagi ng ating preventive measures upang maagapan ang anumang posibleng banta,” matod pa ni PBGEN ALAN B MANIBOG, Regional Director, Police Regional Office 12.