“Tour Around the World” ang temang gibida sa gipahigayong City Employees Family Day and Larong Pinoy, niadtong Setyembre 25, 2026 atol sa selebrasyon sa 126th Philippine Civil Service Anniversary, sa Energy Park.
Sa iyang mensahe, gipasiugda ni Konsehal Edd Mark Wakan ang importansya sa Family Day isip higayon aron mapalig-on ang relasyon sa pamilya, nga nagsilbing pundasyon sa matag kawani sa pagpadayon sa matinud-anong serbisyo publiko.
Misamot ang kasadya pinaagi sa nagkadaiyang kompetisyon matag cluster, ilabi na sa mga Larong Pinoy with a twist, diin aktibong mipartisipar ang mga empleyado sa Lokal nga Panggamhanan.
Gipakita usab sa matag cluster ang ilang pagkamamugnaon pinaagi sa booth competition, diin ang Developers ang gideklarang Best Booth sa maong selebrasyon.
Malipayon usab nga nakigbahin ang mga kabataan sa gipahigayong “Kids Entertainment” nga giandam alang kanila, lakip ang magic tricks ug padula nga nakadugang sa kasadya sa maong selebrasyon.
Pinaagi sa tinuig nga Family Day celebration, gipalig-on ang panaghiusa sa mga kawani ug ilang mga pamilya, samtang gipasiugda ang panag-uban isip pundasyon sa mas lig-on nga serbisyo publiko.