Gipahigayon sa Malaybalay City Tourism Office, ubos sa pagpangulo ni Senior Tourism Operations Officer Marven Jan Nadela, ang 3-Day Tourism Awareness and Tourist Reception Training sa pakigtambayayong sa Department of Tourism (DOT) Region X.
Gitambongan ang training sa mga representante sa Daraghuyan IP Community, ubos sa pagpangulo ni Bae Inatlawan, lakip ang mga partisipante gikan sa Office for Senior Citizens Affairs (OSCA) ug Persons with Disability Affairs Office (PDAO).
Nagsilbing resource speaker si Ms. Ma. Reina O. Bontuyan sa DOT Region X, nga mipahat og kahibalo ug praktikal nga mga pamaagi sa pagdawat ug pag-atiman sa mga turista.
Tumong sa training nga mapalambo ang kahibalo ug kahanas sa mga partisipante aron makahatag og mainiton, inklusibo ug culturally respectful nga tourism experience sa mga bisita sa Malaybalay City.Gipasalamatan sa City Tourism Office ang suporta ni Mayor Warren Pabillaran sa mga programa nga nagpalig-on sa turismo sa syudad.
Pinaagi sa padayong capacity-building ug pakigtambayayong sa mga komunidad ug partner agencies, gipalig-on sa Malaybalay ang promosyon sa lokal nga kultura, kasaysayan ug mga komunidad, samtang naghatag og maayong kasinatian sa mga bisita.
Padayon sa Pagsaka Malaybalay!
NADA by: Crezlyn Sator-Torres