Gideklara nga bag-ong Acting Regional Director sa Police Regional Office 11 si Police Brigadier General Benigno L. Guzman ug nagpahigayon dayon kini sa iyang “Talk to Men” karung adlawa, Martes, Setyembre 28, 2026 sa PRO 11 Parade Ground, Camp Sgt. Quintin M. Merecido, Buhangin, Davao City.
Mainiton nga gisugat sa kapulisan sa PRO 11 si PBGen Guzman pinaagi sa Arrival Honors, nga gisundan dayon sa “Talk to Men.”
Gipakita usab ang bug-os nga suporta sa iyahang asawa nga usa pud ka Heneral nga mao si Police Brigadier General Vina H. Guzman, Director, Police Community Affairs and Development Group (PCADG), alang sa tanang kalihokan ug aktibidad nga magpama-ayo sa pagdumala sa kapulisan sa tibook Davao Region.
Gipasiugda usab ni PBGEN Guzman, nga ang mga estratehiya nga iyang hatagan og prayoridad atol sa iyang pagdumala kay ubos sa 5 Cs: Crime Prevention, Crime Solution, Community Engagement, Capability Development, Collaboration, ug Good Governance.
