Nakit-an nga patay ang usa ka 20-anyos nga estudyante sulod sa ilang balay sa Purok Pagkakaisa, Barangay Rosary Heights 13, Cotabato City.
Giila ang biktima sa alyas nga “Ray,” 20-anyos, ulitawo ug residente sa maong lugar.
Sumala sa inisyal nga imbestigasyon, unang nakit-an sa manghod sa biktima nga giila sa ngalan nga “Ren” ang iyang igsoon nga wala nay kinabuhi sulod sa ilang kwarto sa taas nga bahin sa balay. Gitawag dayon niini ang ilang paryente nga mitambong sa kwarto ug misulay sa pag-resuscitate sa biktima, apan wala na kini maluwas.
Mga alas-10:00 sa buntag niadtong maong adlaw, personal nga mitaho sa Police Station 2 ang iyaan sa biktima bahin sa insidente. Dali usab nga miadto sa lugar ang mga kapulisan uban ang duty investigator aron beripikahon ang taho.
Didto ilang nakit-an ang biktima nga naghigda sa salog. Gihangyo na sa kapulisan ang Regional Forensic Unit-Bangsamoro Autonomous Region (RFU-BAR) alang sa crime scene processing. Nagpadayon ang imbestigasyon aron matino ang hinungdan ug uban pang detalye sa pagkamatay sa biktima.
Source: StarFM Cotabato