Gikumpirma sa 1101st Infantry Brigade ang nahitabong armadong engkuwentro nga nalambigit ang mga miyembro sa 45th Infantry Battalion sa Basilan.
Sumala sa public statement sa 1101st Infantry Brigade, karon gitambalan ang mga sundalong nasamaran sa maong engkuwentro.
Padayon pang gisusi sa mga hingtungdang awtoridad ang mga detalye sa insidente, samtang nagpatuman usab sila og mga lakang sa seguridad aron mapanalipdan ang mga sundalo ug ang mga komunidad sa duol nga lugar.
Nanawagan usab ang 1101st Infantry Brigade sa publiko ug sa media nga tahoron ang pribasiya sa mga apektadong sundalo ug sa ilang mga pamilya samtang gitutokan ang ilang kahimtang.
Giawhag usab ang publiko nga magpabiling kalmado ug mabinantayon, ug likayan ang pagpakaylap sa mga wala pa mapamatud-ang balita, litrato o impormasyon nga mahimong makapameligro sa mga miyembro sa militar o makapahinabo og dili kinahanglang kabalaka.
Padayon nga nagbarog ang 1101st Infantry Brigade sa pagtuman sa iyang katungdanan nga pagpanalipod sa katawhan ug pagmintinar sa kalinaw ug kalig-on sa Basilan.
Source: StarFM Cotabato