Nadakpan ang usa ka 53-anyos nga lalaki human masakmit gikan niini ang 284.76 gramos sa gidudahang shabu nga nagkantidad og ₱1,936,368 atol sa buy-bust operation sa Zone 1, Barangay Bayabas, Cagayan de Oro City, pasado alas-8:33 sa gabii niadtong milabay’ng adlaw.
Giila ang nadakpan pinaagi sa alyas nga “Roger,” usa ka residente sa maong barangay nga giila sa kapulisan isip high-value individual o HVI.
Gipahigayon ang operasyon sa City Drug Enforcement Unit sa Cagayan de Oro City Police Office, kauban ang City Mobile Force Company ug sa koordinasyon sa Philippine Drug Enforcement Agency Region 10.
Gawas sa gidudahang ilegal nga droga, nakuha usab sa mga operatiba ang buy-bust money, usa ka sling bag, cellphone ug uban pang kuwarta nga nalambigit sa operasyon.
Sa pagkakaron anaa na sa kustodiya sa CDEU-COCPO ang suspek alang sa tukmang legal nga proseso ug disposisyon.
Source: Bombo Radyo Bukidnon