Nasakmit sa mga operatiba sa kapulisan ang 29 ka master case o katibuk-ang 1,450 ream sa gituohang ismagel nga Cannon Menthol cigarettes nga nagkantidad og kapin P1.24 milyon sa Barangay Dapiawan, Datu Saudi Ampatuan, Maguindanao del Sur, niadtong Oktubre 17, 2026.
Matod sa Police Regional Office-Bangsamoro Autonomous Region (PRO-BAR), alas-2:10 sa hapon dihang nagpahigayon og operasyon ang Datu Saudi Ampatuan Municipal Police Station, kauban ang Regional Intelligence and Anti-Illegal Drugs Task Group-Regional Intelligence Division, human makadawat og impormasyon gikan sa BIN bahin sa gituohang ismagel nga sigarilyo nga gibiyaan sa Sambulawan Street.
Nakit-an ang mga sigarilyo nga gitago sa daplin sa dalan, apan walay tawo nga nakit-an nga miangkon niini.
Gidala ang mga nasakmit nga sigarilyo sa estasyon sa pulisya alang sa dokumentasyon ug luwas nga pagtipig. Samtang, nagpadayon ang imbestigasyon aron mailhan ang tag-iya ug ang posibleng mga nalambigit sa pagpangismagel.
Source: StarFM Cotabato