Mibisita sa maayong kabubut-on ug nagpahigayon og koordinasyon nga tigom si Police Regional Office 12 (PRO 12) Regional Director PBGen Alan B. Manibog kang Atty. Sa’Aduddin L. Macarambon, Regional Director sa Bureau of Internal Revenue (BIR) 12, sa BIR Regional Office nga nahimutang sa Barangay Concepcion, Koronadal City, South Cotabato niadtong October 19, 2026.
Gipasiugda sa maong tigom ang kamahinungdanon sa pagpalig-on sa kooperasyon tali sa mga ahensya sa gobyerno, paghiusa sa ilang mga paningkamot, ug pagsulbad sa mga butang nga komon nilang gikabalak-an aron masiguro ang episyente ug matinud-anong paghatag sa serbisyo publiko.
Gipahayag sa duha ka ahensya ang ilang padayong pasalig sa pagtinabangay aron mapalambo ang maayong pangagamhanan, mapalig-on ang relasyon sa ilang mga institusyon, ug mahatag ang mapuslanong serbisyo sa katawhan sa SOCCSKSARGEN.
Matod ni PBGEN Manibog, mas mahimong makahuluganon ang serbisyo publiko kon ang mga ahensya sa gobyerno maghiusa alang sa usa ka tumong.
“Ang tunay na serbisyo publiko ay mas nagiging makabuluhan kapag ang mga ahensya ng pamahalaan ay nagkakaisa sa iisang layunin. Sa pamamagitan ng matibay na koordinasyon at pagtutulungan, mas mapapalakas natin ang ating mga programa at mas maihahatid ang serbisyong mabilis, tapat, at nararamdaman ng ating mga mamamayan,” matod ni PBGEN Manibog.
Pinaagi sa lig-on nga koordinasyon ug panaghiusa, gilauman nga mas mapauswag pa sa PRO 12 ug BIR 12 ang ilang mga programa ug inisyatiba alang sa mas episyente, matinud-anon, ug responsableng serbisyo publiko sa rehiyon.