Gidakop sa mga awtoridad ang kanhing Vice-Commanding Officer ug Political Adviser sa New People’s Army (NPA) ug apil sa Top 4 Provincial Most Wanted Person sa Purok 5, Villa Kananga, Butuan City, Agusan del Norte niadtong Oktubre 17, 2026.
Gi-ila ang suspek nga si alyas “Kenny/Tikoy” nga gidakop ang suspek pinasikad sa mga warrant of arrest alang sa mosunod nga mga kaso: frustrated murder ubos sa Criminal Case No. 19-3583, nga adunay girekomendar nga piyansa nga ₱200,000; attempted murder ubos sa Criminal Case No. 19-3585, nga adunay girekomendar nga piyansa nga ₱120,000; ug robbery ubos sa Criminal Case No. 21-3903, nga adunay girekomendar nga piyansa nga ₱48,000.
Nasayran nga ang suspek kaniadto nagserbisyo isip Vice-Commanding Officer sa Regional Operational Command, Political Adviser, ug miyembro sa Regional Sentro de Grabidad (RSDG) sa North Eastern Mindanao Regional Committee (NEMRC), nga naglihok sa mga probinsya sa Surigao del Sur, Surigao del Norte, Agusan del Sur, ug Agusan del Norte.
Ang maong pagsurender resulta sa padayon nga operasyon ug mga programa sa PNP, AFP ug gobyerno nga nagtumong sa pagdasig sa mga miyembro ug tagasuporta sa NPA nga mobalik sa sabakan sa gobyerno arun magsugod ug panibag-ong kinabuhi uban sa ilang pamilya.