Miapil ang Maguindanao del Sur Police Provincial Office (MDS PPO) sa usa ka programa nga nagtumong sa pagpalambo sa malinawon nga pagsulbad sa mga panaglalis sa yuta sa mga lumad pinaagi sa dayalogo ug tradisyonal nga sistema sa hustisya sa Nangi, South Upi, Maguindanao del Norte.
Gipasiugda sa kalihokan ang Timuay Justice and Governance (TJG) Program ug ang Traditional Land Dispute Adjudication and Claims (TLADC) process, nga nagtumong sa pagpalig-on sa panag-istoryahanay, hustisya, ug malinawon nga pagsulbad sa mga panaglalis sa yuta.
Mitambong usab sa kalihokan si National Commission on Indigenous Peoples (NCIP) Secretary ug Chairperson Hon. Nancy A. Catamco isip guest of honor, samtang si South Upi Mayor Hon. Helen Benito-Padua ang nanguna sa pag-host sa programa.
Matod sa MDS PPO, importante ang panaghiusa ug kooperasyon sa mga ahensiya sa gobyerno, kapulisan, tradisyonal nga mga lider, ug komunidad aron mapadayon ang kalinaw ug kahapsay, mapanalipdan ang mga katungod sa mga lumad, ug mapalambo ang inklusibong pagdumala.
Source: StarFM Cotabato