Nadakpan sa kapulisan ang Top 3 Provincial Most Wanted Person sa kasong murder sa Sitio Awra, Barangay Dansolihon, Cagayan de Oro City, pasado alas-2:30 sa hapon niadtong Oktubre 25, 2026, human sa lima ka tuig nga pagtago sa balaod. Giila ang dinakpan sa alyas nga Rodrigo, 56-anyos ug residente sa Cagayan de Oro City.
Gipahigayon ang operasyon sa Talakag Municipal Police Station, kauban ang 1st Provincial Mobile Force Company, Bukidnon Provincial Intelligence Unit, Police Station 8 sa Cagayan de Oro City Police Office ug 1004th Maneuver Company sa Regional Mobile Force Battalion 10.
Nag-atubang ang akusado sa kasong murder nga walay girekomendar nga piyansa ug anaa na sa kustodiya sa Talakag Municipal Police Station alang sa tukmang disposisyon.
Giawhag sa Police Regional Office 10 ang publiko nga magpadayon sa pagpakigtambayayong sa kapulisan ug ireport dayon ang mga impormasyon nga makatabang sa pagpangita sa mga wanted nga indibidwal.
Source: Bombo Radyo Bukidnon