Misaka ang ihap sa mga aksidente sa kadalanan sa dakbayan sa Valencia tungod sa kakulang sa disiplina sa pipila ka mga motorista, ilabina sa mga nagmaneho og motorsiklo nga wala naggamit og helmet.
Sa pakighinabi sa Bombo Radyo Malaybalay kang Atty. Heinz G. Villanueva City Administrator sa Valencia City, Bukidnon, gipahimangnoan niini ang mga residente nga kanunay magsul-ob og helmet matag mobiyahe aron malikayan ang grabeng kadaot kon maaksidente.
Gipahibalo usab niini nga hugot nang ipatuman sa lokal nga pangagamhanan ang pagsunod sa mga lagda sa trapiko, lakip ang speed limit nga gipatuman na sa dakbayan.
Gibutyag niini nga misaka ang ihap sa mga indsidente sa disgrasya nunot sa kakaulang sa mga pahimangno nga may kalabutan sa trapiko.
Source: Bombo Radyo Bukidnon