Nakumpiska ang 12.114 gramos nga gituohang shabu nga gibana-banaang mublaor og P82,375.20 atol sa pagpatuman sa Search and Seizure Warrant sa Purok 12, Barangay Poblacion, Cabanglasan, Bukidnon, alas-11:45 sa gabii niadtong Oktubre 30, 2026, diin nadakpan ang usa ka 57-anyos nga lalaki.
Giila ang dinakpan sa alyas “Rom,” ug residente sa maong lugar.
Gipangluhan ni PCPT Linomer L. Caseres ang operasyon sa Tracker Team sa Cabanglasan Municipal Police Station, kauban ang Bukidnon Provincial Intelligence Unit ug sa koordinasyon sa Philippine Drug Enforcement Agency o PDEA.
Gawas sa walo ka sachet sa gituohang shabu, narekober usab sa operasyon ang 17 ka bala sa kalibre .45.
Anaa na karun sa kustodiya sa Cabanglasan Municipal Police Station ang dinakpan ug mga nakumpiskang ebidensya alang sa hustong disposisyon.
Source: Bombo Radyo Bukidnon