Nasikop sa kapulisan ang usa ka 60-anyos nga lalaki nga giilang Top 5 Most Wanted Person sa probinsiyal nga lebel tungod sa kasong Acts of Lasciviousness in Relation to R.A. 7610, as amended by R.A. 11648, sa Purok 3, Barangay Colambugon, Maramag, Bukidnon, alas-5:36 sa buntag karong Nobyembre 2, 2026.
Giila ang dinakpan nga si William Tupas Obemio, ulitawo, trabahante ug residente sa Purok 1C Kuya, Maramag.
Gipahigayon ang operasyon sa mga sakop sa Maramag Municipal Police Station, 2nd Provincial Mobile Force Company inabagan sa uban pang yunit.
Gipahigayon ang pagdakop pinaagi sa warrant of arrest nga gipagawas niadtong Oktubre 29, 2026, diin girekomendar ang piyansa nga mokabat sa P216,000 alang sa duha ka ihap sa kaso.
Anaa na karon sa kustodiya sa Maramag Municipal Police Station ang dinakpan alang sa dokumentasyon ug hustong disposisyon.
Source: Bombo Radyo Bukidnon