Nagpahigayon og hugot nga implementasyon sa Oplan Bakal-Sita ang mga personahe sa Malaybalay City Police Station sa nagkalain-laing establisemento sa negosyo sa Malaybalay City, Bukidnon niadtong gabie sa Nobyembre 3, 2026.
Ang operasyon gipangulohan ni PLT Blythe Aljone Laborte, Operations PCO, ubos sa superbisyon ni PLTCOL Ariel Philip I Pontillas, DPDO/Officer-In-Charge, Malaybalay City Police Station.
Tumong niini nga mapugngan ang presensya sa mga loose firearms ug gidili nga mga armas, ingon man ang paggamit niini sa mga kriminal nga kalihokan aron masiguro ang kaluwasan sa publiko.
Giawhag usab sa kapulisan ang publiko ug mga tag-iya sa negosyo nga mosunod sa balaod ug magreport dayon sa bisan unsang kadudahang kalihokan.