Misamis Oriental- Patay ang dalawang lalaki habang isa ang kritikal sa pananaga sa Poblacion, Sugbongcogon, Misamis Oriental nito lamang Hunyo 22, 2023.
Kinilala ang mga namatay na sina Jerald O. Laniton, 24 anyos, at Ronnie Pagalang kapwa residente ng Misamis Oriental.
Kinilala naman ang mga suspek na sina alyas “Joshua”, 34 anyos, at ang ama nito na si alyas “Rodie”, 59 anyos pawang residente ng Poblacion Sugbongcogon, Misamis Oriental.
Ayon sa ulat ng Sugbongcogon Municipal Police Station, ang tatlong biktima ay naki-fiesta sa naturang bayan at napag-alaman na matagal nang may alitan ang magkabilang grupo.
Lumabas din sa imbestigasyon na ang mga biktima ay pinagbintingan ng mga suspek na nagnakaw ng itak.
Inihanda na ng Sugbongcogon PNP ang kaukulang kaso sa mga suspek at nanawagan sa mamamayan na makipagtulungan sa kanilang himpilan upang mapabilis ang pagbibigay ng hustisya sa pamilyang naiwan ng mga biktima at pinapaalalahanan ang lahat na maging mahinahon at ayusin sa tamang paraan ang anumang alitan upang hindi humantong sa kamatayan.