Cotabato City- Patay ang isang lalaki matapos pagbabarilin sa Purok Torion, Poblacion 1, Cotabato City nito lamang ika-1 ng Hunyo 2024.
Kinilala ang biktima na si Michael Padasan, 25 anyos, residente ng naturang lugar.
Ayon sa ulat, naglalakad lamang ang biktima malapit sa Matampay Bridge nang lapitan ito ng mga suspek at pinagbabaril.
Agad isinugod sa ospital peru idineklara ang biktima na dead-on-arrival.
Patuloy naman ang isinasagawang malalim na imbestigasyon ng PNP para matukoy at mapanagot ang mga suspek.