Gipatin-aw sa PNP pinaagi sa pamahayag ni Police Major Catherine Dela Rey, Spokesperson sa Police Regional Office 11 niadtong Agosto 27, 2024 nga walay kamatuoran ang giingon sa mga miyembro sa KOJC nga bobombahan sa kapulisan ang ilang compound.
Dugang pa, walay tinuod nga gitangtang sa kapulisan ang tubig ug kuryente sa maong compound.
Gihangyo usab ni Major Dela Rey ang publiko nga siguruhon ang impormasyon nga makuha sa social media bago kini tuohan ug mas maayo nga maminaw sa mga impormasyon gikan sa lehitimong media outlet ug awtoridad.
Kalakip niini, gihangyo sa kapulisan ang tanan nga likayan ang pagpakalat sa fake news aron malikayan ang bisan unsang kasamok o abala ug magpadayon sa pagsuporta sa pagpatuman sa balaod apil na ang pagsunod sa legal nga proseso.