Patay ang isang miyembro ng CAFGU matapos pagbabarilin sa Barangay Mileb, Rajah Buayan, Maguindanao del Sur nito lamang ika-22 ng Setyembre 2024.
Kinilala ang biktima na si alyas “Al”, 42 anyos, residente ng Poblacion, Sultan, Barongis Maguindanao del Sur na naka destino sa 40IB Detachment sa Barangay Tukanalipao Mamasapano, MDS.
Lumalabas sa imbestigasyon, pauwi na umano ang biktima sakay ng XRM Motorcycle nang pagbabarilin ng hindi pa nakikilalang suspek.
Tinamaan ang biktima sa iba’t ibang bahagi ng katawan na ikinasawi nito. Nagpapatuloy naman ang imbestigasyon ng PNP upang alamin ang motibo at suspek sa krimen.