Tinaguriang pinakamalaking inland resort sa buong Davao del Norte ang SixWorld Adventures Inc. na matatagpuan sa New Cortez ng New Corella.
Ang SixWorld Advertures Inc. ay kilala sa napakalaking wavepool nito at lima pang swimming pool na may iba’t ibang lalim na tiyak na ma e-enjoy ng magbabarkada at pamilya.
Kasalukuyang mayroong promo ang naturang inland resort, sa halagang Php255 (weekday rate) o di kaya’y Php355 (weekend and holiday rate) ay maaari kang makapasok rito.
Libre naman ang birthday celebrant kung mayroong kasamang sampu na magbabayad. Ang daytour ay nagsisimula mula 9:00 AM hanggang 5:00 PM at para naman sa kanilang hotel ay mula 4:00 PM ang check-in at 12:00 NN naman ang check-out.
Ang naturang pasilidad ay fur-friendly ngunit kailangang mag-deposit ng Php5,000 upang matiyak ang responsableng pagbabantay sa mga fur babies.
