Cagayan de Oro City-Nagsagawa ng Camp Tour Visit ang nasa 236 Reserve Officers’ Training Corps (ROTC) Cadets na galing sa iba’t ibang bahagi ng paaralan sa Hilagang Mindanao sa Camp Vicente G Alagar, Lapasan, Cagayan de Oro City nito lamang Hulyo 19, 2023.
Ang naturang mga ROTC Cadets ay nasa Advance ROTC Academic Phase Training (ARAPT) para sa MS 41 at 42.
Pinangunahan ni Police Colonel Dominador Estrada, Chief ng Regional Community Affairs and Develoment Division 10 ang naturang programa.
Nagkaroon ng pagtatanghal ng kagamitan na ginagamit para sa pagsugpo ng krimindalidad at insurhensiya.
Sa huling yugto ng programa ay nagkaroon ng Immediate Action Drill ang mga miyembro ng Regional Mobile Force Battalion 10.
Ang pagbisita ng ROTC Cadets ay bahagi ng kanilang education tour sa iba’t ibat unit ng Armed Forces of the Philippines at iba’t-ibang ahensya ng pamahalaan