Gingoog City, Misamis Oriental- Arestado ang isang miyembro ng New People’s Army (NPA) ng mga awtoridad sa Sitio Minlanag, Brgy Lawaan, Gingoog City, Misamis Oriental nito lamang Hulyo 30, 2023.
Kinilala ang naaresto na si alyas “Troy”, residente ng Carmen, Agusan del Norte at miyembro ng Regional Operations Command of the Northern Central Mindanao Committee (NCMRC).
Ayon sa ulat, may concerned citizen na tumawag sa mga awtoridad na may gumagalang hindi kilalang lalaki sa nasabing barangay kaya agad rumesponde ang tropa ng militar at pulisya na naging dahilan kaya nadakip ang naturang NPA.
Napag-alaman na nakuha mula sa backpack ni alyas “Troy” ang mga Anti-Personnel Mines (APM).
Patuloy ang panawagan ng pamahalaan sa mga natitira pang miyembro ng NPA na magbalik-loob upang makapiling ang kanilang sariling pamilya.