Nasabat ang tinatayang Php760,000.00 halaga ng puslit na yosi sa isinagawang checkpoint operation ng mga otoridad sa Purok 4, Bansarvil-1, Kapatagan, Lanao del Norte noong ika-2 ng Nobyembre 2024.
Nabatid na isang silver KIA SUV ang biglaang humarurot sa isinagawang checkpoint ng pulisya at nagkaroon ng habulan.
Sa tulong ng mamamayan ay natunton ang inabandonang KIA SUV at tumambad ang tatlong box ng White New Far cigarettes, pitong Red New Far cigarettes at siyam na White Fort cigarettes na may tinatayang halagang aabot sa Php760,000.00.
Patuloy na man ang isinagawang imbestigasyon ng Lanao del Norte PNP upang managot ang nasa likod ng pagpuslit ng naturang yosi.