Matagumpay na naisagawa ang Tree Planting Activity sa Brgy. Balobo, Lamitan City, Basilan, nito lamang ika-27 ng Nobyembre 2024.
Ang naturang aktibidad ay pinasimulan ng Lamitan Technical Institute Inc. katuwang ang mga tauhan ng Bravo Battery 1st Field Artillery Battalion, Army Artillery Regiment, Philippine Army, Regional Mobile Force Battalion BASULTA, 53rd Special Action Company ng PNP Special Action Force, at 1st Basilan Provincial Mobile Force Company.
Layunin nito na isulong ang isang mas kaaya-ayang ecosystem sa pamamagitan ng rehabilitasyon at muling pagsagana ng kapaligiran.
Ito rin ay isang paraan upang mabawasan ang hindi magandang epekto ng pagbabago ng klima. Samantala, hinihikayat ng PNP ang mga mamamayan na makiisa at makilahok sa mga ganitong uri ng programa lalo na sa pangangalaga ng ating kalikasan.