Sikop ang mag-uyab human gireklamo ug trespassing ug nakuhaan ug armas ug mga bala sa Suerte Subdivision area, Brgy. Sudapin, Kidapawan City niadtong Abril 25, 2026.
Nahibal-an nga gidakop kini human nga gireklamo sa tag-iya sa yuta nga giingong gisudlan sa duha nga walay pananghid.
Gi-ila ang mga suspek nga sina alyas “Kenth”, 18 anyos, ug ang iyang menor-de-edad nga uyab nga giila lang sa alyas “Lorie,” 17 anyos, parehong residente sa maong siyudad.
Nahibal-an nga misulod ang mag-uyab sa pribadong propyedad aron mag-date nga walay pagtugot, hinungdan nga daling gitaho sa mga personahe sa Kidapawan City Police Station.
Atol sa gihimong inspection sa kapulisan sa bag sa lalaki, narekober ang usa ka 9mm caliber pistol, usa ka magazine ug unom ka bala nga walay legal nga papeles ug nag-atubang sa kaso ilalom sa Republic Act No. 10591 o ilegal nga paghupot og armas ug bala, samtang ang menor-de-edad nga dalaga anaa sa kustodiya sa City Social Welfare and Development Office.