Narekober ang nasa P290,000.00 nga kantidad sa mineral ores sa gihimong checkpoint operation sa mga awtoridad sa Brgy. Limonda, Opol, Misamis Oriental niadtong Lunes, Abril 27, 2026.
Giila ang duha sa mga suspek nga aktibong miyembro nga naka-assign sa Police Regional Office 11, ug ang upat naggikan sa probinsya sa Zamboanga del Sur, Davao de Oro, Compostela Valley, Bislig City ug nagsagubang sa kasong paglapas sa Section 53 sa Republic Act No. 7942 o ang Philippine Mining Act of 1995.
Narekober sa kapulisan ang usa ka puti nga Isuzu L300 nga nagkarga og 58 ka sako sa mineral ores nga gibanabana’g kantidad nga Php290,000, duha ka Glock 17 Gen4 pistols nga adunay mga magazine, 60 ka bala sa 9mm nga armas, unom ka cellular phones, ug usa ka jackhammer.
“This successful interdiction highlights the effectiveness of our intensified checkpoint operations in curbing illegal mining activities in the region. Let this serve as a clear warning—no one is above the law. We will not tolerate any unlawful act, even if committed by members of the police service,” mensahe ni Police Brigadier General Christopher N Abrahano, Amahan sa Police Regional Office 10.