Tinatayang Php163,000.00 halaga ng puslit na yosi ang nasabat ng mga otoridad sa Brgy. Bato, Makilala, Cotabato nito lamang Disyembre 3, 2024. Ayon sa ulat ng Makilala Municipal Police Station, isang concerned citizen ang nag-report sa kanilang tanggapan na may nangyaring bentahan ng puslit na yosi at nadakip ang suspek na si alyas “Eugenio”, 47 anyos, may asawa at residente ng Brgy New Barbaza, Mlang Cotabato.
Inaresto ang suspek matapos nitong bentahan ng isang ream ng puslit na yosi ang isang operatiba sa halagang Php200.00.
Nasabat sa naturang operasyon ang 20 reams ng Far Red Cigarette, 16 reams ng Fort White Cigarette, 9 reams ng Far White Cigarette at mahaharap sa kasong paglabag sa RA 10863 (Custom Modernization and Tariff Act) ang suspek.
Nanawagan naman ang PNP sa tulong at kooperasyon ng mamamayan upang matigil ang aktibidad sa pagpuslit ng yosi at managot ang nasa likod nito.