General Santos City – Labis ang tuwa at pasasalamat ang naging tugon ng 230 na guro ng Early Childhood Care and Development (ECCD) nang makatanggap ang mga ito ng tig-isang laptop at lapel mula sa Lokal na Pamahalaan ng General Santos City noong Setyembre 4, 2023.
Pinangunahan mismo ni City Mayor Lorelie Geronimo Pacquiao, ang pamamahagi ng mga nasabing kagamitan sa ating mga guro na ginanap sa Oval Gymnasium ng lungsod.
Maliban sa laptop at lapel, nakatanggap din ang mga guro ng ECCD ng flags at booklets.
Ayon sa alkalde, isa ito sa kanyang paraan para ipakita ang buong suporta sa ECCD Program ng CSWDO at bigyang-halaga ang sakripisyo ng ating mga guro sa Lokal na Pamahalaan.