Matagumpay na isinagawa ang Community Outreach Program sa Barangay Tabialan, Banguingui, Sulu nito lamang ika-10 ng Disyembre 2024. Pinangunahan ng Barangay Local Government ng nasabing lugar katuwang ang siyam na Lovely Candidates of Budjang Tabialan Candidates 2024, Banguingui Municipal Police Station sa pangunguna ni Police Lieutenant John Vincent Dela Cruz Loneza, Officer-In-Charge.
Ayon kay PLt Loneza, ang ganitong mga aktibidad ay naglalayong mas palakasin ang ugnayan ng pulisya sa komunidad at mapatibay ang pagtutulungan para sa kapayapaan at kaunlaran. Samantala, nagpasalamat naman si Barangay Chairperson Adwin A Imbah, sa lahat ng mga nakibahagi sa programa. “Ang ganitong mga inisyatibo ay nagbibigay ng pag-asa at inspirasyon sa ating mga kababayan. Patuloy kaming magtutulungan upang maabot ang mas marami pang nangangailangan”.
Ang matagumpay na Community Outreach Program ay nagbigay ng inspirasyon hindi lamang sa mga benepisyaryo, kundi pati na rin sa mga boluntaryo at organizers na nagnanais ipagpatuloy ang ganitong uri ng adbokasiya sa hinaharap.