Patay ang isang tindera ng prutas nang pagbabarilin ng hindi pa tukoy na mga suspek nito lamang ika-11 ng Disyembre 2024 sa Purok 4 Poblacion, Carmen, Cotabato City. Kinilala ang biktima na si Ruffina San Alocelja, 63 anyos, tindera at residente ng naturang lugar.
Ayon sa inisyal na impormasyon ng PNP, nagbabalat lamang umano ang biktima ng mga paninda nitong prutas nang bigla na lamang itong lapitan ng mga armadong kalalakihan sakay ng isang single motorsiklo at pinagbabaril.
Naisugod pa sa pinakamalapit na hospital ang biktima ngunit idineklara ring dead-on-arrival.
Agad naman nagsagawa ng hot pursuit operation ang PNP katuwang ang AFP upang matukoy ang motibo at mahuli ang mga suspek sa likod ng krimen.