Isinagawa ng Department of Migrant Workers (DMW) Rehiyon XII ang Capability Training Workshop kasabay ng Pagsusuri ng Taunang Pagtatasa para sa CY 2024 sa GSX Convention Center, Lungsod ng Koronadal, South Cotabato nito lamang ika-19 ng Disyembre 2024.
Pinangunahan ni Dir. Samsudin T. Lintongan, Officer-In-Charge ng Pangrehiyon na Direktor ng DMW XII, ang naturang training workshop.
Ang nasabing aktibidad ay nagbigay-diin sa mga tagumpay at mga mahalagang kaganapan ng DMW XII para sa taong 2024.
Sa pamamagitan ng collaborative session, nagkaroon ng pagkakataon ang mga empleyado ng DMW na magbahagi ng mga pananaw, magbigay ng feedback sa kasalukuyang programa at mga aktibidad nito habang nakatuon sa pagpapalakas ng pangako na maghatid ng kahusayan sa serbisyo.
Ang DMW XII ay patuloy na magbibigay ng mas mabuti at makabagong serbisyo para sa darating na taon sa pamamagitan ng bagong sigla at determinasyon para sa paglago at tagumpay sa pagbabago ng buhay ng ating mga migranteng manggagawa at kanilang mga pamilya.
