Nagkaroon ng dalawang araw na Basketball Clinic kung saan inorganisa ito ng Sangguniang Kabataan (SK) Chairman at Revitalized Pulis sa Barangay sa Basketball Covered Court ng Purok 1, Barangay Bacusanon, Pangantucan, Bukidnon nito lamang ika-10 ng Setyembre 2023.
Ang nakiisa sa naturang aktibidad ay mga batang mahilig sa basketball na may edad 6-10 anyos at 11-15 anyos sa loob ng dalawang araw na programa.
Hangad nito na mas mapahusay ang kanilang kakayahan sa paglalaro ng basketball.
Naisakatuparan ang aktibidad sa tulong ng Sangguniang Kabataan, Revitalized Pulis sa Barangay Pangantucan, Bukidnon at ni Mr. Mark Castil ang coach ng naturang pagsasanay.