Inilunsad ng mga tauhan ng Butuan City Police Office ang isang clean-up drive bilang bahagi ng selebrasyon ng 2025 National Women’s Month na may temang “Babae sa Lahat ng Sektor, Aangat ang Bukas sa Bagong Pilipinas” na ginanap sa Barangay Masao, Butuan City, Agusan del Norte bandang 5:00 ng umaga nito lamang Marso 2, 2025.
Pinangunahan ni Police Colonel Rommel D. Villamor, City Director ng Butuan City Police Office, ang “Save Masao” Clean-up Drive sa pakikipagtulungan ng Alpha Phi Omega (APO) Philippines Incorporated Metro Butuan Alumni Association at APO Lawman Caraga.
Layunin ng inisyatibong ito na palakasin ang kamalayan at responsibilidad ng komunidad sa pangangalaga sa kalikasan.
Bahagi ito ng mas malawak na adhikain ng Women’s Month, na nagpapakita ng mahalagang papel ng kababaihan sa paghubog ng isang mas maunlad at progresibong hinaharap para sa bansa.
“We are delighted to kick off Women’s Month with a meaningful initiative. This clean-up drive is not just about caring for the environment but also highlights the importance of unity and community participation. It is proof of the vital role that women play in building a safer and more progressive Butuan City. The success of programs like this is clear evidence of the strength of unity and cooperation toward positive change,” ani PCol Villamor.
