South Cotabato — Isang lalaki ang tiklo nang makumpiskahan ng baril sa Purok Quezon, Brgy Rotonda, Koronadal City, South Cotabato nito lamang Sabado, Nobyembre 4, 2023.
Ayon sa Koronadal City Police Station, inaresto ang suspek na si alyas “Long Hair” sa bisa ng Warrant of Arrest para sa kasong paglabag sa RA 9165 o Comprehensive Dangerous Drugs Act of 2002.
Habang inaaresto ang suspek, nakuhanan mula sa pag-iingat nito ang isang homemade pistol na may kasamang limang bala na walang kaukulang dokumento.
Patuloy ang Koronadal City PNP sa pagpapanatili ng kaayusan at katahimikan tungo sa pagkamit ng kaunlaran sa ating pamayanan.