Arestado ang 29-anyos na snatcher na nagnakaw ng cellphone ng isang tricycle driver matapos itong mahuli ng mga residente ng Block 6, Purok 11-B, Brgy. Fatima, General Santos City nito lamang ika-4 ng Nobyembre 2023.
Kinilala ang suspek na si alyas “Daniel”, walang asawa, fish car driver, at kasalukung nangungupahan sa nasabing lugar.
Sa report ng GenSan PNP, nabisto ng kinilalang biktima na si alyas “Abdul” na residente rin ng naturang lugar, ang ginawang pagnanakaw ni Daniel sa kanyang Cellphone sa loob mismo ng kanyang kwarto.
Sinubukan pa ng biktima na agawin ng kanyang cellphone subalit hinampas ito ng suspek gamit ang isang kahoy na tumama sa kanyang kaliwang braso at kaagad na tumakas.
Samantala, nagawa namang mahabol at makorner ng mga rumespondeng concerned citizens ang suspek kaya’t nagtamo ito ng pinsala sa katawan.
Sinampahan ng kasong Theft ang suspek na pansamantalang nakakulong sa General Santos City Police Station7.