Cotabato – Narekober ng mga awtoridad ang mga kagamitang pampasabog ng komunistang New People’s Army (NPA) sa Purok 6, Sitio Balawan, Brgy. Malasila, Makilala, Cotabato nito lamang Miyerkules, ika-25 ng Oktubre 2023.
Ayon sa ulat ng Makilala PNP, boluntaryong itinuro ng isang nagbalik-loob na NPA ang kinaroroonan at lokasyon ng mga nakabaong pampasabog.
Ang mga narekober ay dalawang 25kg at tatlong 15kg ng Anti Vehicle Improvised Explosive Device (IEDs), apat na Anti-Personnel IEDs, pitong bala ng 60mm High Explosives at isang granada.
Patuloy ang panawagan ng pamahalaan sa mga natitira pang miyembro ng NPA na magbalik-loob at magsimulang muli kapiling ang kanilang pamilya. Malayo sa karahasan at gulo dala ng maling ideolohiya ng teroristang grupo.