Narekober sa mga operatiba sa Bukidnon PNP ang 15 ka klasi-klasi nga high-powered nga mga pusil, mga bala ug granada sa gipahigayon nga search warrant operation sa gituohan nga Private Armed Group sa Purok-15, Brgy. Butong, Quezon, Bukidnon kagahapon, Agosto 7, 2025.
Sa gipahigayon nga operasyon kay nadakpan ang giilang leader nga target sa maong operasyon ug ang unom ka indibidwal nga nakita-an ug mga pusil samtang gihimo ang operasyon.
Narekober ang 15 ka klasi-klasi nga high-powered nga mga pusil, mga bala, granada, Battle dress uniforms (BDUs); isa ka unit sa binoculars ug uban pang paraphernalia.
Nag-atubang ang mga dinakpan sa kasong RA 10591 o ang Comprehensive Firearms and Ammunition Regulation Act.
Ang Bukidnon PNP nagpabilin nga malig-on sa kampanya laban sa hulga sa bisan unsa nga grupo nga mangharas ug naghatag ug kahasol sa katilingban ug ipatuman permi ang kahapsay ug kalinaw sa probinsya sa Bukidnon.
