Sikop ang usa ka suspek nga nagpaluyo sa dautang binuhatan sa duha ka menor-de-edad pinaagi sa online activity karung 8:30 sa buntag, Oktubre 23, 2025 sa Purok 2A, Pindugangan, Brgy. Tipanoy, Iligan City, Lanao del Norte.
Nahibal-an nga usa ka Vietnamese National, 18 anyos, estudyante nga gikan sa Hanoi, Vietnam ang nitaho sa Department of Social Welfare and Development (DSWD 10) kalabot sa Online Sexual Abuse or Exploitation of Children (OSAEC) nga gikalambigitan sa suspek.
Saysay niini, nga samtang menor-de-edad pa siya, gikumbinsi matud siya sa suspek sa pagpadala sa iyang hubo nga mga litrato ug video online.
Nakuha gikan sa operasyon ang 178 ka mga malaw-ay nga pictures ug 37 ka mga video sa pipila ka mga cellphones, computer device ug tulo ka sex toys.
Mag-atubang sa kasong RA 11930 o ang Anti-Online Sexual Abuse or Exploitation of Children and Anti-Child Sexual Abuse or Exploitation Materials Act ang maong suspek.
Padayon ang Iligan City PNP sa pagpatuman sa balaod arun hapsay ug malinawon ang atong lungsod.
